【跑季回顧｜無痛之路 #07】

香港每年年尾都係跑步比賽嘅季節，由最初嘅渣馬只係少數人參加，到而家已經係全城話題，同埋帶起咗近年大眾跑步嘅熱潮。

喺呢段時間裡，BLACKROLL® 都同唔同教練、跑會同物理治療師舉辦咗啲講座、運動恢復班同埋參加咗街馬嘅 Runner's Expo。除咗恭喜今年有好成績嘅跑手，都希望因賽事受傷嘅跑手可以早日康復。

做任何運動都應該係健康同開心嘅，但今次接觸咗超過過百跑手，其中有唔同程度嘅傷患佔咗八成以上。如果一般人覺得多做運動應該係更健康，咁實際情況同我哋嘅想像有好大出入，而問題究竟又出喺邊度呢？

之前 @aasfp 做咗個跑步網上講座，收集咗大約一千人的跑步習慣，有一點值得注意是雖然有86%嘅人跑步後有做伸展恢復，但有膝關節問題嘅人都佔咗大約六成。如果再加埋跑手常見的大腿後膕繩肌、髂脛束、小腿腓腸肌、阿基里斯筋腱同埋腳底筋膜等問題，相信同今次接觸到有傷患嘅跑手比例差唔多。

由以上嘅調查，只做伸展對於運動後恢復成效係值得商榷。而普遍人對於外國非常流行的 Active Recovery 方法，例如氣壓腳套、筋膜訓練，認識嘅人就相對較少。近年好多研究都顯示，運動恢復同訓練一樣咁重要，原因好單簡試問如果你身上有傷患，就算點訓練都好，運動表現會有突破嗎？

研究亦顯示，如果冇做任何 Active Recovery，運動後身體大約需要3日先可以完全恢復。而人年紀越大，新陳代謝減慢，所需要嘅恢復時間就越耐。

再睇埋跑步天數，大約有68%嘅人每星期跑步2日以上。每星期跑步里數超過11至50公里以上嘅人佔55%。由呢啲數字可以反影出，這些人每次跑步之後，恢復時間究竟足唔足夠？

如果根據事實嚟睇，香港有好多跑手都有傷患在身，可以簡單得出結論係唔足夠。今次接觸到的跑手大部分對運動恢復認識都唔多，不過透過多次嘅講座同埋課程，反應都非常正面，令好多跑手認識到更多關於 Active Recovery 嘅知識同埋重要性。期待之後可以繼續推廣運動恢復俾其他運動類型嘅人士認識，幫助大家喺做運動嘅同時減少傷患，達到無痛運動，擁有更健康的體魄。