【馬有失蹄｜無痛之路 #08】

客人做文職，中年女士，有做開瑜伽、伸展等運動。柔軟度比普通坐寫字樓的人高，基本上應該唔會有什麼大問題。但一年前行街無端端扭親左邊膝頭哥，之後一直都好唔返，總是覺得左腳由小腿到大腿都繃緊，膝頭哥痛，而且越來越接唔埋。

好多來 Studio 上膝關節課程的客人都有類似的經歷，本來是創傷性的關節問題，因為處理得唔好，之後演變成退化性關節炎，慢慢情況就越來越差，越來越痛，小問題變大問題。

最初試堂測試的時候，右腳接得埋，左腳的幅度明顯受限。客人最不明白是她有做開瑜伽，就算受傷後都可以做到完美的 Downward Facing Dog，理應小腿和後腿肌肉可以拉得鬆，但實際無論怎樣拉，她的小腿和後腿總是感覺好緊。用手觸及她的小腿，好似石頭咁硬。佢曾經去參加一些痛症伸展班，導師說只要拉到要求就唔痛，但她好快就達到導師的要求，但都係痛，都係緊。

好多人都不明白以為伸展一定可以拉鬆身體的肌肉，但其實筋膜的問題，伸展未必能有效處理到需要放鬆的部位，尤其是受傷之後因為軟組織發炎、增生、粘連、結疤等。要全面回復受傷前的筋膜狀態，需要利用不同的筋膜訓練去刺激筋膜系統自我更生，才可以將舊患根治。

客人每星期訓練一次，情況持續好轉，慢慢繃緊的肌肉漸漸放鬆。大約兩個月左腳已經可以再次接埋，膝頭哥痛楚已經大幅減少。

訓練有沒有效果基本上好快就知道，如果訓練之後每次早上起床發覺患處有改善，即是身體的狀況慢慢轉好。反之如果治療或訓練之後兩三天又回復繃緊，即是治療只是止痛，治標不治本。所以一個有效的筋膜訓練兩至三個月是一定見得到成效，這就是筋膜訓練的神奇之處。